無綫新聞部女主播黃紫盈上月底報道一則南非前總統曼德拉病危消息時，熱淚盈眶，旋即被踢爆原來是新聞小花鬥爭。有指黃紫盈被高級記者張文采欺壓，逼她在節目十分鐘前臨危受命報道新聞；但又有指黃紫盈人緣麻麻，自編自演在鏡頭前落淚，並自動放料引發一幕幕《金枝慾孽》真人版。
不容許私自調更
據悉無綫新聞部為此事大怒，早前已向兩位當事人「照肺」，黃紫盈更被指不專業，為平息風波，有傳新聞部經理黃淑明要求她今日開始放大假。而表面贏一仗的張文采，有指她向高層認錯後，近日竟不停在其他同事面前喊住吐苦水，聲稱被人陷害，日前就有雜誌影到她與男友羅鈞滿及主播蔡雪瑩在TVB餐廳食tea，雖然表現好和諧，但昨有報料指部份心水清的同事覺得張文采在玩手段，認為兩邊都不抵幫。
昨日又有讀者爆料，指無綫新聞部昨日向「主播們」發內部電郵，嚴詞訓示新聞部同事不可以私自調更，但翻查未來三周更表，仍有同事為遷就自己假期私自調更，高層認為要正視，並寫着：「既然大家不能自律，惟有好好整頓，最後一次提醒大家，如有再犯便需接受處分。」督促同事要自律，又下令不能在社交網上評論內部事務，不希望同事再成為娛樂新聞主角，並不要摧毀自己及一班前輩多年來建立的新聞部權威及公信力。
禁披露內部事務
無綫外事部副總監曾醒明昨日在電話中稱是黃紫盈自動申請放大假，問是否避風頭？他說：「唔係，只係每年嘅有薪假期，唔會放太耐，公司亦唔會刻意調配工作崗位。」他直言每個部門有既定制度，同事應謹守自己的崗位，不可以隨便調更，他解釋：「工作應由主管安排，唔會私下分配。而facebook屬個人抒發心聲嘅地方，但以一個專業角度嚟睇，係唔應該將內部事務喺網上披露。」
採訪：丁寧
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange