寇鴻萍大女唐貝詩前晚在金鐘L16舉行25歲生日會，邀得莊思敏、莊思明、「綠魔」Karl及王子涵等逾百位好友開派對，寇鴻萍及老公梁廷鏘都有出席，而早前傳出婚訊的李澤楷表弟林忠豪，與前女友莊思敏前後腳到場。林忠豪表示要趕乘飛機往北京，雖然急住離開不過都大方接受訪問。提到他的婚事，有傳是今年，林忠豪未有透露，只說：「盡快啦，我都未知。」
如何求婚？林忠豪笑謂：「都未求，求你哋會知。」女友是否傳聞中的內地高官女兒？林忠豪說：「唔係，佢係普通人。」是否很靚女？他搞笑說：「唔係，一般啦，不過情人眼裏出西施，佢點樣我都覺得靚。」果然是熱戀中，零舍風騷。
唐貝詩中門大開
壽星女唐貝詩穿上黑色bling bling連身裙中門大開性感現身，她見記者時表現驚訝：「以為係私人party，其實我正日生日係10號。」她表示想團購公司越做越好，亦希望家人健康。問她打扮性感，不怕媽媽擔心？唐貝詩笑言媽媽還未見，但只想見朋友可以靚啲：「平日返工有形象唔着得，今日（前日）攞正牌。」
莊思敏見唐貝詩的性感造型，笑指貝詩終於大個女：「我同佢、同媽咪都熟，不過我唔係佢媽咪嗰代。嚟緊都會有生意合作，送生意好過送禮物啦，長遠啲。」此外，Karl透露專程由深圳趕回港出席生日會，他指唐貝詩很挑剔：「個人揀擇又宅女，好難介紹男仔畀佢識。」
採訪：譚倩宜
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange