【經營困難】
莊偉忠與新地結緣，始於他98年與友人創辦安信信貸（現改名為「安信兄弟」），當時新地是其中一名投資者。五年後，安信被渣打以9.8億元收購，相等於市賬率約三倍，莊偉忠成功幫新地及自己賺大錢。
其後，莊偉忠到馬會出任市場推廣經理，更史無前例地捧紅了一匹馬──精英大師。到07年新地友人把莊偉忠介紹予郭炳聯：「大家食咗一次早餐，就傾掂咗。」
香港零售業向來最受制於高租金，尤其是經營面積較大的百貨。百佳有長實（001）、city'super有九倉（004），相反日資的吉之島（現改名為AEON，984）、本地薑永安、先施等，都在地產霸權下，難找到好位置。
對於有新地做靠山，莊偉忠不以為然：「我一路以來好介意人哋講，一田做到成績係因為新地。當然佢哋支持很重要，畀我哋非常大自由度，我半年先要去新地開一次會。不過，我哋同其他零售商一樣，都係要交租，都一樣會畀唔起貴租！」
期望衝出新地商場
那未來會否衝出新地商場，在別人地頭一試身手？「我當然好想啦！但一田現時只屬於『啱啱識行』的階段，對新地嚟講，投資喺自己的商場，減低風險，亦無可厚非。」