湖人後衞拜恩、雷霆前鋒杜蘭特（KD）及熱火嘅勒邦占士3大球星，今夏將造訪中、港、台9大城市。拜恩雖然仲養緊傷，但下個月3日會到香港同球迷見面；杜蘭特打頭陣喺本周六、日出訪上海，而總決賽MVP勒邦占士，就喺今個月24、25日去廣州。
講開杜蘭特（圖），幾個月前佢同WNBA天貓後衞韋德嘅戀情曝光，估唔到1年都冇，KD就同女友求婚，而韋德亦say咗yes！韋德大讚未婚夫情比金堅又有同情心，有咩事都會即時出手助人。拍拖冇耐就訂婚好似快咗啲，不過最緊要佢兩個高興啦！而「大帝」勒邦占士同未婚妻Savannah，9月就會舉行婚禮。後者最近同班朋友去咗賭城拉斯維加斯，開告別單身派對；一班朋友勁有心，除咗一個好精緻嘅蛋糕外，下晝泳池派對仲舉晒牌，寫住「Queen James」，幸福到呢！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange