【共享雙贏】
一田以搞創新推廣聞名於業界，去年就舉行超過70個主題推廣，平均每星期都有活動，四圍發掘新產品推出市場，如近年大熱的迷你日本蕃薯、水耕蔬菜等。除了勤力找出新鮮感，莊偉忠更相信與合作夥伴做到互惠互利，以「真心」一樣做到生意。
「有新嘢樂意畀我哋試」
如莊偉忠上任後不久，即拍板取消超市行業中最「惡名遠播」的上架費，近年又主動把應付款賬期縮短，由以往的60日，降至現時25至45日，「所以供應商好鍾意我哋，有新嘢都樂意畀我哋試先。」
前年日本「311」大地震，日貨滯銷，一田的新鮮食品生意大瀉70%。公司不但沒有即時終斷日本供貨，更在日本災情逐漸穩定後，莊偉忠7月親自組團，帶香港傳媒到日本視察，希望重振港人對日本貨的信心，亦為當地人打氣。「佢哋將呢件事視作『義舉』，用高規格接待我哋，自此識到好多好朋友。呢一次係互惠互利的很好示範，既可以幫到佢哋重建日本產品的名聲，對我們做生意亦有幫助。到了9、10月，我們的生意已經完全恢復正常。」