早前做了個榴槤專題,一出街,同事七嘴八舌地歌頌榴槤有幾美味、榴槤有幾吸引!既然大家愛榴槤愛到如此地步,不如為大家介紹一間可以吃榴槤的酒店吧!Hotel Icon的Green相信是少數可以吃到榴槤的酒店餐廳,皆因他們的行政糕餅總廚Danny是馬拉人,在馬拉老鄉有果園,可以揀到最靚的榴槤。「我哋一月可以用到250公斤榴槤!每日嘅榴槤甜品都會清晒!」 Danny特別推薦酥炸榴槤,他混合貓山王和D24兩種榴槤肉,加上斑蘭葉、呍呢拿雪糕、椰汁等,先雪至冰凍後蘸炸漿炸脆,端上桌時榴槤味道香噴噴,外面熱辣辣,裏面凍冰冰,榴槤味香而不膩!若怕食榴槤熱氣,Danny建議大家吃完飲返杯鹽水,咁就唔怕生瘡瘡。
Green
(3400 1300)
地址:尖沙嘴科學館道17號唯港薈地下