金衛醫療（801）邁向第二春，PB又超吸引，股價超落後，買金衛等爆。金衛主打多元化醫療業務，股價一年嚟橫行未點郁過。同業微創醫療（853），啱星期二創埋近兩年高位，一年幾乎翻咗一番，金衛大落後。又金衛最新NAV 1.97元，現價0.95元嘅PB得0.48倍，微創講緊高達3倍，金衛又係平咗大截。而嚟緊呢七年，中央已計劃撥資4,000億銀人仔發展醫療（平均每年高達570億銀），祖國同胞富起來，金衛臍帶庫及醫療設備銷售，食正條水。加埋金衛北京清河醫院擴建搞掂，業務再發力。上邊微創預期PE，講繄20倍。金衛翻半番到1.43元，PB未有耐到1倍，PE仍然平過微創。
中電新能源博升20%
中國電力新能源（735）跌到落半年低位，現價0.415元嘅NAV折讓，上到46%，環保股當中，呢個折讓好吸引。又中電新能源對口單位係國資委，業務又係重點國策扶持，有強勢股東及國策支持，股價質成咁，好無辜。而大市回穩，相信環保股又係熱炒對象，呢轉短打博升20%到0.49元，中電新能源未有耐上到NAV0.76元。
錢雋