（樂）球衣銷售一向係球會嘅主要收入之一，所以近年球會喺展示新球衣時都會絞盡腦汁，德甲嘅多蒙特就認真有心思喇！因為外號蜜鋒兵團嘅佢哋，就用一大片花田嚟展示新球衣（圖），當中動用咗80,645朵嘅萬壽菊同埋牽牛花，數目仲係同多蒙特嘅主場西格納伊度納公園球場嘅座位數目一樣，難怪多蒙特球迷都好受落。