面罩直至今年6月22日生日時除下，龍小菌表示非刻意挑選這個日子：「嗰日係歌迷想有個聚會，我就以歌聲去報答佢哋，好多人質疑點解我會為失聰歌迷做呢個決定，其實佢係靠音樂震動再睇歌詞，佢可以鍾意其他歌手，點解要揀睇唔到樣嘅我？」除下面罩的感覺，令小菌非常緊張，她說：「好開心同佢哋可以眼神交流，只要我望住佢哋，佢哋就會報以微笑同點頭，以前係唔會有呢種感覺。」
自言革命尚未成功的龍小菌，被讚似苟芸慧，她笑說：「苟芸慧喺我眼中係好靚，若果大家覺得我靚，應該要多謝化妝師。」面罩是希望大家不要以貌取人，小菌卻刻意扮靚見人，以往超過二百磅的身形，經過年多努力消減不少，她說：「戴住面罩後係食少咗嘢，加上跟隨飲食導師嘅健康餐單，真係一試就無法放棄，因為身體健康咗，連行樓梯都唔喘氣。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！