【中環ifc】陳淑芬前日晏晝一點幾約埋友人同一個細路女，喺中環ifc濕平，之後三人齊齊去到位於商場三樓嘅利苑酒家食飯。陳太嘅朋友一早已喺房度等佢，佢哋食咗個幾鐘先走，之後陳太去咗地鐵站附近上咗架七人車。此外，早前陳太舉行《繼續寵愛．十年音樂會》紀念好友張國榮，被指歛財，更指佢袋咗二千萬。陳太日前接受雜誌訪問時澄清籌備呢個演唱會自己都攞咗七位數出嚟。另外報道又話，陳太正考慮法律追究商台主持人李慧玲，話佢喺節目中人身攻擊。
採訪、攝影：朱志聰 、楊浩賢
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！