《喜》列貝利（後）啱啱同拜仁慕尼黑續約，心情好連人都鬼馬啲。拜仁大軍𠵱家喺意大利北部特倫托進行集訓，列貝利喺操練期間見悶悶哋就搞搞震，靜靜雞爬去一位訓練員後面，撞佢下盤搞到對方失重心撻落地下。另外，早排幾位喺拜仁活動度高調展示非官方運動品牌商標嘅3位球員馬里奧葛斯、馬里奧高美斯同埋卻治賀夫，全部要接受球會罰款處分。