【跑馬地】張家輝呢排開緊新戲，冇時間陪囡囡Brittany，於是老婆關詠荷有時間就帶埋囡囡行街買嘢，佢哋前晚7點幾出動去咗跑馬地毓秀街嘅一間寵物店，原來佢哋係幫屋企嘅愛犬買狗尿墊。
各有各忙
關詠荷應該係呢間舖頭嘅熟客仔，兩母女入咗去後各有各忙，Brittany跪喺地下同隻金毛尋回犬玩，素顏嘅關詠荷就去咗睇貓咪。愛心爆棚嘅Brittany之後又抱住一隻黑色狗仔喺懷中呵護，玩咗一輪，關詠荷去買咗一包狗尿墊，仲去咗貨架睇狗零食，但又唔啱心水。店員知狗尿墊都唔輕，於是主動幫佢放喺店門，等關詠荷母女慢慢揀完嘢先拎走。結果兩母女喺店逗留咗大約15分鐘，關詠荷就叫囡囡走，囡囡好乖咁放低狗仔，仲自動自覺幫媽咪拎包狗尿墊，好抵錫，關詠荷就拖住Brittany行去攞車返歸。
採訪、攝影：彭琮然、吳耀輝、羅德光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
《蘋果動新聞》新版App已經推出，居家遊行上街上網都咁方便，快啲更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp