《樂》皇家馬德里巴西中場卡卡（圖）喺日前結束佢嘅中國之旅，似乎佢都玩得幾開心，喺佢個instagram上載咗自己着住拜年衫，多謝中國球迷嘅相片，話中國係一個好精采嘅國家，仲寫埋中文字「謝謝」多謝大家㖭。睇真啲，喺佢件拜年衫上印住個喉糖牌子名，都幾騎呢。今夏到𠵱家都唔多聽到有關卡卡轉會嘅實際消息，睇怕佢下季都要繼續喺皇馬坐冷板。