《怒》加斯居尼（右）死性不改，又醉酒鬧事，仲打人被捕！呢位46歲嘅前英格蘭國腳年初去咗美國戒酒，但似乎仲未戒得甩。上周四晚，飲醉酒嘅加斯居尼喺史堤芬納治火車站毆打保安，向對方叉頸；加斯居尼嘅前妻想上前阻止，點知俾佢打埋一份。最後警方嚟到，將加斯居尼捉番差館，扣留咗佢成晚，之後放番佢。雖然今次冇俾人告，但我求大俠都希望加斯居尼生生性性！