噚晚喺印度舉行嘅亞洲田徑錦標賽，由吳家鋒（左起）、黎振浩、徐志豪及鄧亦峻組成嘅香港隊開創歷史，喺男子4x100米接力跑出38秒94，力壓只跑39秒11嘅日本，歷史性贏得首面亞錦賽金牌。鄧亦峻喺初賽冇上陣，由何文樂代替，港隊只跑出39秒43，令外界睇淡佢哋嘅機會，但上屆獲銀牌嘅港隊喺決賽交、接棒都順利，呢4位「80後」繼舊年跑入倫奧後，再創佳績，恭喜！