【第41屆港姐競選之苦口婆心】無綫「2013香港小姐競選」20位候選港姐昨日齊集將軍澳電視廣播城，大會安排星級導師鄭裕玲（嘟嘟）分享健康心得及教導如何面對鏡頭。當嘟姐得知有佳麗食煙、整容兼爛口，她笑說︰「過咗去啦，入咗TVB就重新做人喇，咁等陣會同佢哋講吓戒煙對健康好，對皮膚都好啲。」昨日7號沈桂澄及14號林思韻衣着明顯較性感，有搶鏡之嫌。
對於被不停爆料，佳麗也輪流為自己解畫，13號歐陽巧瑩（Tammy）被指曾在中環夜場工作，更指她涉嫌大改造，由原本的單眼皮、豬膽鼻、闊面、薄唇和胸細，變成現在的雙眼皮、面尖、鼻高和厚嘴，Tammy對此澄清從未試過晚間工作，更未曾在中環上班。對於被指整容，她說：「有咩？都正常㗎，大個女咗可能真係變化大，女大十八變嘛，我由細到大都係雙眼皮。」
前言不對後語
6號劉佩玥（Moon）就被指私下經常講粗口和亂搞男女關係，她解釋自己拍拖次數一隻手絕對數得出。是否經常講粗口？她起初否認講過粗口，並說：「唔講㗎，唔需要用呢啲助語詞去表達。」當再問是否從未講過，她即轉口風說：「衝口而出都可能會，但唔係成日講。」而4號李曉東被指中二便輟學，她解釋因為到澳洲讀高中而已。
採訪：王崇穎
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
《蘋果動新聞》新版App已經推出，居家遊行上街上網都咁方便，快啲更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp