東方沙龍今季重返甲組，除組千萬大軍外，贊助商已有唔少計劃，早前高層仲親自為東方設計以龍做主角嘅吉祥物，男叫東東（左），女叫龍龍（右），亦已放咗喺球會fb，據聞已搵專人做真實版，準備新球季同球迷見面。另外，總監梁守志證實，李思明同姚學文兩位升班功臣，新季會喺甲組註冊，但會唔會踢，就要過到教練李健和呢關先講。