【弄巧反拙】
「環境美化咗但冇晒特色，有乜用？」政府欲推廣漁港風情，將香港仔避風塘兩旁的香港仔海傍道和鴨脷洲大街打造成全新海濱公園， 昨舉辦南區大笪地等大型活動吸客，遭立足避風塘數10年的漁民斥美化工程弄巧反拙，犧牲漁港特色。昔日艇仔聚集賣魚盛況不復再，「遊客嚟到都感受唔到真正嘅漁港風情」。
記者視察昨開幕的大笪地，發現攤檔設計與其他地方墟巿沒有甚麼分別。在魚市場經營海鮮檔逾40年的劉太不時懷念舊日時光，「以前喺海中心賣魚，好多船好熱鬧，左右隔籬一叫就跳落去游水、過隔籬船」。現在海濱環境改善，卻變得平凡，「睇唔出香港仔有乜嘢咁特別」。
董耀中：冇認真保育
批發商羅先生則指，美化後的香港仔海濱缺少內涵，「啲嘢靚咗只係過眼雲煙，遊客嚟到想食靚海鮮，條條新鮮生猛㗎，但你冇地方煮畀人食」。他建議在海濱長廊設食肆，「最好係露天大牌檔，甚至用番船嚟做，咁先係特色」。
旅遊業議會總幹事董耀中亦批評政府口口聲聲推廣漁港風情，卻未有認真保育，特色文化反而越來越少，「遊客嚟到都感受唔到啲乜」。他指政府曾令業界充滿期待，「理想地諗會好似日本築地咁，好多新鮮魚賣，好有特色」，結果除海濱長廊外，便再沒其他配套，「成件事丟淡咗，亦冇再同業界溝通，我都搞唔清楚政府想點做」。
《蘋果》記者