F1英國銀石站嘅連環爆胎事件越鬧越大，格蘭披治車手協會周四宣佈：「如果問題喺德國站（下周日正賽）再出現，大家就退出比賽。」而車胎製造商倍耐力為咗息事寧人，已經將一批改善咗嘅車胎送到德國。唔知係咪受事件影響，英國車手畢頓嘅靚模特兒女友道端謝茜嘉（圖）日前就踩單車巡場，仲邊踩邊同畢頓傾計，好鬼sweet。