【中環士丹利街】黃貫中（Paul）早排去咗尖沙嘴文化中心自彈自唱《故事》嚟悼念黃家駒，哀悼過後，大前日下晝4點幾佢坐朋友車喺中環士丹利街落車。着住短袖衫、孭住背囊嘅阿Paul一落車見到記者影相已經有啲唔高興，不過佢繼續快步行去置地廣場方向。佢入咗廣場見冷氣凍，即時好滋陰喺背囊攞件風褸着，上樓買完咖啡阿Paul開始行行停停又不時回頭望記者，之後就賣甩記者走咗去。
採訪、攝影：吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！