吳彥祖前晚喺上環欣賞舞台劇《誘心人》，佢明顯消瘦，問到係咪忙湊女？佢話：「都係，之前拍戲瘦咗30磅，未肥番。」會唔會停工湊女？佢話：「都想，但開咗戲要拍埋今個月。聽人講男人生女會有初戀感覺，我都覺得係，老婆都知我心裏面有第二個女仔。」囡囡似邊個？佢話：「嘴仔似我，眼似Lisa，都係擔心佢太靚，仲要腳好長。」佢笑言朋友大多生仔令佢更擔心，佢話：「我要教個女打功夫保護自己，老婆瘦番20磅。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！