鍾嘉欣與李思捷昨日到西貢一片場，為新劇《飛虎2》拍攝水底戲。劇情講述卧底嘉欣被黑幫思捷發現，為報仇將嘉欣綑綁再塞入麻包袋掉入水中。嘉欣一面傷痕出現說：「講我俾船嘅車葉打到全身傷痕。我唔識游水，好彩有替身，我補番大頭鏡頭就得。試過拍我連埋車衝落水，要拍我窒息戲，點知我真係差啲窒息。」
劇組於水池底搭建木架，讓嘉欣可站於上面，坐低即可拍水底戲，嘉欣表現驚慌，於水底極短時間即要站起休息，其間更露出打底的碎花泳衣。她說：「全家人得爹哋識游水，喺加拿大老師教極我都唔識，掉我落水仲差啲窒息。」
採訪：藍文浩
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！