【南灣】音樂人周啟生早排疑獨留同前妻所生嘅囝囝周爵喺屋企，被警方落案拘捕，𠵱家保釋候查，到下月中再報到，囝囝暫時交社署託管，唔知𠵱家接返未。案件暫時未有結果，周啟生前日就同現任太太司徒靄杰同囡囡偷得浮生，約咗女友人及友人囝囝，一齊去南灣嬉水同曬太陽。
不時自摸
一行五人去到南灣，兩位女士帶住兩個細路仔去玩水，周啟生自己坐埋一邊，佢坐低二話不說剝晒衫褲剝晒鞋，仲第一時間開咗罐冰凍日本啤酒嘆世界，仲喺沙灘食煙。早排張家輝嘅一身朱古力腹肌害苦全港男士，現年52歲嘅周啟生身形一啲都唔輸蝕，其間佢撞到個男性朋友，友人對佢嘅體形讚不絕口，周啟生乘機認叻一番：「係呀，我好注重身體㗎，得閒就健身、操拳同做gym。」講嘢期間仲不時自摸，感覺好自戀吓。
曬太陽時搽到一身太陽油嘅周啟生，不時擺出唔同姿勢，佢又同身邊嘅男友人解釋話，咁樣至可以曬到全身同平均啲，仲擺出個大隻佬pose畀老婆影相，搞到成個沙灘都好似佢表演舞台咁。一行人玩到傍晚6點左右就離開。
採訪、攝影：陳辰、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
《蘋果動新聞》新版App已經推出，居家遊行上街上網都咁方便，快啲更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange