自稱風水師的陳振聰昨日被判入獄12年，玄學家對這位同行的評價及上訴成功率，各持不同看法。
司徒法正：
法律係公平，個天唔係叫你去害人、呃人，搞到道義差，乜都差，要接受懲罰係應該。佢好叻法科風水，用法力增強風水佈局，我見佢着沉色衫，官非屬火，佢用土洩火氣，將頭髮留長，形成大樹遮蔭，所以佢由上庭到𠵱家都係用法科風水去解決呢單官司。
麥玲玲：
如果佢識計就唔會開始呢場官司，以佢相貌計，最差係𠵱家，佢下庭太削，人生最差時候就寧願唔打呢場官司，應有幾多守幾多。以佢命格，牢獄之災未必可以避免，上訴機會都好微，中國人話齋，信術數不如修因果。
區仲德：
佢八字屬土，但水好重，同錢財、女人好有緣，不過今年係水蛇年，水火相沖。𠵱家農曆5月，官司會輸硬，冇人幫佢，人唔可以勝天，着咩顏色嘅衫都冇用。其中一個化解方法係同老婆離婚，咁先有機會扭轉局面，我都係以玄學家走勢而論，玄學家唔可以犯色戒，99.9%嘅婚姻都好難過10年。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange