有人話，女人喺大肚一刻係最靚，就係因為呢句話，好多孕婦都唔介意拍下裸照，記低最美一刻。好似月中開刀生女嘅索模蔣怡，早排就由好友攝影師Ringo操刀，拍咗輯半裸大肚寫真。
講開邊個發明「大肚裸照」呢個玩意，阿Wow唔太清楚，但真正影響到後世人嘅，就一定要數索到爆嘅荷李活巨星狄美摩亞喺91年幫《Vanity Fair》拍嘅大肚寫真封面。當年28歲嘅狄美，懷有前夫布斯韋利士女兒7個月，寫真由攝影師Annie Leibovitz操刀，原本構思係「反荷李活、反浮誇」態度。裸照一出，即刻惹嚟全球爭議，電視、報紙同雜誌都有評論呢件事，成為一時佳話。而狄美肯定係最大得益者，因為知名度勁升之餘，片酬亦幾何級數上升。
港人比較保守，拍大肚裸照熱潮要過咗千禧年先hit起，記憶中，第一個好似係林雅詩，佢05年幫老公溫文英陀B，就幫雜誌影咗大肚寫真。
撰文：阿Wow
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！