龔如心與趙世曾一家是世交，趙式芝更是龔如心契女，式芝昨日接受電話訪問時，得知陳振聰罪成入獄時，她百感交集：「佢話信咗耶穌識懺悔，唔介意坐監，願主祝佢未來道路有咁多反思空間。」問到是否覺得陳罪有應得？她思索一會才說：「唔知，太多私人感情喺呢個case，最緊要佢有懺悔嘅心，求上主寬恕佢。」問到會否寬恕陳？她說：「我好開心，件事有個了斷，不過先人遺事一路拖住，𠵱家係釋懷，有個終結。」她最不滿陳於庭上揭私隱，問到會否原諒？她說：「人都走咗，令到對小甜甜朋友、同愛錫佢嘅人不安唔開心，終於有了斷。願上天原諒佢，令佢改變，我無權憎恨佢。」趙世曾則不作多評論：「成件事來龍去脈、有冇做到，佢心知肚明。有犯罪行梗係唔好，自己反省，唔想打落水狗。」
至於陳百祥昨日在活動上表示：「全世界覺得你錯，好難翻身，我都唔想姓陳，想跟秀姑姓。」其愛將楊焉（Carol）則在微博大舉三隻拇指，留言：「好嘢。」而Bob亦留言：「抵你死！」而詹瑞文則說：「訛騙好唔啱，佢損人利己出發點，無論上訴幾多次都要接受審判結果。佢仲用宗教話自己從前睇風水係有魔鬼，大笑話。」
採訪：唐如、楊潔雯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange