陳小春同老婆應采兒（丁丁）個仔Jasper早幾日喺港安醫院出世，丁丁住院5日，噚日傍晚終於出院返屋企，不過因為早產，BB仲要住多幾日醫院。兩公婆十指緊扣出院，丁丁着住件連身裙，又唔覺肥咗，個樣仲好精神㖭！講起BB，丁丁就收唔到口：「BB合埋眼似我，開眼似小春。生完個感覺仲未係好真實，好似唔知發生乜嘢事咁。」
叫老公送樓
問到幾時放張BB相出嚟？丁丁講笑話：「發張BB啫啫相。」不過佢哋話等BB大定啲先算喎！
小春呢幾日猛話老婆生仔好辛苦，問到係咪應該有啲獎勵，小春都未開口，丁丁已經搶住話：「梗係要獎勵，買樓畀我。」點知小春係咁耍，丁丁即刻喝住：「人哋問你有乜嘢獎勵呀？」唔好以為丁丁好惡，佢兩個其實喺度耍花槍，不知幾咁冤氣。
問小春點照顧老婆同個仔時，丁丁就寸小春：「佢話要食軟飯嘛。」小春就話：「我鍾意湊仔煮飯畀老婆食，老婆出去做嘢啦！」丁丁即刻接住話：「小朋友需要媽咪。」小春又好大膽駁嘴：「小朋友都需要爸爸。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
《蘋果動新聞》新版App已經推出，居家遊行上街上網都咁方便，快啲更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange