李寧（2331）舊年底簽咗NBA球星、喺邁阿密熱火有「閃電俠」之稱嘅獲迪（Dwyane Wade）做代言人，球隊上月底攞到總冠軍，李寧隨即搵獲迪飛中國一趟，日前喺北京亮相，李寧噚日股價即升3.7%，果然有料到。
獲迪鞋好難生產
李寧舊年揮低Nike，簽到獲迪，市傳十年代言人費約7.8億元，每年7,800萬元，對於舊年蝕近廿億元人仔嘅李寧唔係細數，真係要諗計，好好利用呢位代言人嘅影響力，搵多啲生意先至得。
可惜李寧生產嘅獲迪球鞋，好多人都買唔到。
李寧副主席金珍君話，唔係靠賣呢批球鞋賺錢，佢哋都努力諗計增加產量，但獲迪球鞋有好多細節，設計複雜，真係好難生產，唔係咁多工廠生產得到。就算有貨，都會喺中國賣先，海外嘅獲迪粉絲要等下喇。