「震嬰哥，企定啦，蛇蟲鼠蟻好X多……」神婆邵音音邊打小人邊說。對白出自電影《迷離夜》中、由陳果執導的故事《驚蟄》，老牌演員盧海鵬及邵音音演活了這場打小人戲，網上hit爆。邵音音飾演的神婆，形神俱似，果然是兩屆香港電影金像獎最佳女配角得主。最近邵音音與陳靜再度合作，在鬼片中大放異彩。
撰文：溫敏芝
邵音音與陳靜（DaDa）同是香港電影金像獎最佳女配角得主，前者是兩屆女配角獎人馬，演技精湛，後者則攞獎升呢，前途一片光明。日前二人在銅鑼灣接受本報專訪，她們第二次合作，訪問前不忘互相恭維，邵音音說：「DaDa有天份、努力、識做戲，好似個做咗幾十年戲嘅演員。」DaDa即臉紅，有點不好意思地說：「我有請教音音姐，佢好好，提點我好多嘢，有時我貪玩坐唔定，周圍撩人傾偈，佢會提我要keep住情緒，令我知道做人嘅態度都好緊要。」
借梁震嬰搞笑
說回電影，片中盧海鵬飾演黑幫大佬「梁震嬰」，因感到有人阻他上位，就到鵝頸橋找神婆邵音音打小人。邵音音打得形神俱似，與鵬哥的一番對話更在網上瘋傳，邵音音說：「呢啲係意外，無心插柳，嗰時鵬哥啱啱攞咗金像獎，導演就好想佢嚟熱鬧吓，覺得我哋一齊有喜劇感覺，梁震嬰個名都係臨時爆肚，冇劇本，係我哋三個人好即興嘅一幕。」她表示只是用梁震嬰開玩笑，沒有特別，不過拍攝時就被盧海鵬笑死，她笑說：「佢（鵬哥）仲問導演話呢套喜劇幾好喎，成班工作人員即刻笑出嚟，陳果話喜劇？我哋恐怖片嚟喎！」
陳果今次大賣香港情懷，邵音音坦言起初也估不到反應這樣好，她說：「初初我都有問導演，我話呢部咁嘅電影，賣乜呀？佢就話係賣畀人知香港有打小人，睇吓鵝頸橋幾多人排隊，我話：『吓？就咁咋！』我心諗你都幾fruit喎，陳果都真係幾生果喎，咁樣就會有人睇？啲人就會鍾意？哈哈，點知出嚟咁好。」
演戲無數的邵音音，直言今次拍鬼片都頗驚，她說：「都驚驚哋呀，不過我第一部紅嘅就係《十三號兇宅》，係鬼片嚟，所以我一拍鬼片就會紅。」她又說：「今次我個角色好難演，一出場就打小人打到完場，初初都唔知點發揮？𠵱家反應咁好，真係多謝陳果同李碧華。」她在戲中有一幕看見自己的兒子害死DaDa，內心戲澎湃，她又笑說：「我演技好囉、導演好、劇本好、對手好啫！唔使點做，我就執到個大着數。」
開工疑神疑鬼
DaDa憑《低俗喜劇》升呢金像獎最佳女配角後，今次首演鬼片再獲注目，她說：「今次對白唔多，全靠眼神發揮，算係我第一部真正演戲，覺得好似開咗竅。其實接拍時，我仲未提名金像獎，導演咁信我，好多謝佢。之前紐約有世界首映，好開心外國人對香港文化都好有興趣，呢部戲集合溫情、恩怨情仇同埋恐怖，最重要係有香港情懷。」
不過，邵音音踢爆DaDa起初不敢接拍此片，DaDa說：「部戲班底太強勁喇，我本身唔睇鬼片，因為呢部戲都克服咗，睇咗好多鬼片。」戲中演厲鬼的DaDa亦自爆首日開工亦疑神疑鬼，她說：「第一日開工我仲病緊，成日覺得唔知關唔關事，覺得好邪，又要扮鬼，都驚有嘢上身，第二日病好咗先冇嘢。」
髮型（DaDa）：Dick Wong、Alex Chan & Stage of bridal
化妝：YoYo Tang
服裝：Issue of I.T
場地提供：MM/H（銅鑼灣皇室堡15樓）
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
《蘋果動新聞》新版App已經推出，居家遊行上街上網都咁方便，快啲更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp