朱凱婷、梁漢文等前晚在灣仔出席一個周年晚宴，朱凱婷早前有份出席陳豪與陳茵媺（Aimee）在法國巴黎的婚禮，有指二人本月17日在加拿大補擺喜酒，她說：「再擺都好合理，但如請我都未必去到，之前有個trip已放低個女兩星期。」她承認有與Aimee傾湊仔經，問Aimee陀仔有否嘔吐？她說：「法國見佢都OK，冇乜唔舒服，全程好冧有笑容。」她直言希望Aimee陀女，可以送好多靚衫給BB。
最近C All Star主音釗峰與張栢芝傳緋聞，大會原邀請C All Star出席，但最終無影。梁漢文自言與栢芝稔熟說：「起初有啲愕然，但諗深一層又唔使，拍拖傳緋聞啫，順其自然啦。」
採訪：張俊銘
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！