現年36歲的名模蔣怡將於月中開刀生B女，臨盆在即，她早前拍攝半裸大肚寫真，挺着巨肚的她只用雙手遮掩胸部，成為最性感的準媽媽，蔣怡說：「大肚之後身體日日變，感覺好奇妙，最初好唔慣冇咗條腰，個肚仲越嚟越大，有時候沖完涼搽乳液，覺得個肚圓碌碌好可愛。」
着T-back免尷尬
由於蔣怡大肚後沒出現水腫，亦沒有妊娠紋，她和老公翁狄森都覺得好靚，故決定拍大肚寫真紀錄懷孕日誌，待囡囡長大後可以共同回憶美好時光。本來大肚寫真由老公翁狄森親自操刀在家裏拍攝，不過兩夫婦各有各忙，最後決定由好友攝影師Ringo代勞，原本計劃全裸上陣的蔣怡，最後着T-back示人避免尷尬。
拍攝當日，蔣怡在老公陪伴下挺着懷孕9月的巨肚來到影樓，她笑言這次是懷孕以來最辛苦的工作，她說：「老公同攝影師都太興奮，完全冇顧慮到我係大肚婆，嗰日拍咗成三個鐘，只係畀我休息五分鐘，又餓又攰嘅我，未飲完一杯鮮奶，老公已經催我埋位。」
蔣怡懷孕以來都沒有出現水腫、抽筋及胃痛等情況，故很享受這段過程，她說：「𠵱家好珍惜囡囡喺我肚裏面母女連心嘅感覺，我會倒數日子期待BB出世，好想快啲知佢個樣。」
撰文：丁寧
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
《蘋果動新聞》新版App已經推出，居家遊行上街上網都咁方便，快啲更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp