前無綫新聞之花黃婉曼及趙海珠昨日於又一城出席護膚活動，提到張文采與黃紫盈鬥上位，黃婉曼說：「兩個都好nice好靚，同張文采合作報過天氣，唔似咁嘅人。同黃紫盈就一齊做《新聞透視》，佢好努力，好好女仔，新聞部所有都係好人。」問到曾否在直播十分鐘前才被安排報新聞？她說：「新聞部都係靠實力上位，報得好自然報多啲，報得多係好事。」對於有傳張以上司身份向黃施壓？她說：「每間公司，大叫細做嘢係正常，𠵱家區永權都成日叫我做嘢，蝦我，唔會有hard feeling。」問到以前有否爭上位？她說：「新聞部好正經，全部靠實力，唔會爭，知道佢哋後生玩得好埋，唔會為呢件事喊，你估青姐（胡孟青）為滙豐喊。」記者問她會否信黃紫盈為曼德拉病重新聞落淚？她笑說：「可能係悲天憫人，將件新聞juicy咗。」
至於趙海珠則指以往沒現在複雜：「唔識新主播，唔知實情，但以前融洽啲。」問到以前有否爭上位？她說：「自己做自己事。」對於主播多是非，她說：「多咗啲炒作。」
採訪：譚倩宜
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！