汪詩詩、馬詩慧與張燊悅等昨現身尖沙嘴的Kiehl's活動，詩詩透露忙為夫婿甄子丹自組的公司做籌備工作，她說：「年尾會有自己戲開，子丹都忙緊拍其他戲，𠵱家要幫手管理，我都鍾意創作，學緊電影。」詩詩透露曾修讀新聞系，問她會否幫子丹出自傳？她說：「有諗過出小朋友書，今朝有人提議出漫畫，中國之中未有漫畫代表，只諗起喜羊羊，外國都有好多好出名。」
此外，張燊悅忙於照顧兩名女兒，她反對填鴨式教育：「𠵱家個大女學緊畫畫，細女學芭蕾舞，都係佢哋揀，初頭都驚輸蝕學得少過身邊小朋友，不過人生似馬拉松，大個出眾仲好。」
採訪、攝影：林嘉慈
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！