鄭嘉穎昨日應邀到尖沙嘴出席護膚品牌活動，他在台上分享護膚心得：「最重要濕潤，唔好咁dry。」嘉穎近年北上搵人仔已約半年沒有在港露面，盛傳他成為內地一哥，50萬拍一集劇，又豪擲三千萬買樓給母親和姊姊，嘉穎笑說：「搵兩餐啫，一哥係警察嚟喎，總之𠵱家做得開心，個人比較定啲，家姐同阿媽都買咗樓，好開心屋企人唔使擔心我。」提到近年身家暴漲，他說：「搵到食，唔使比較數字，係比以前好咗。」
「同我夾有智慧」
嘉穎不缺錢，但竟主動開口想結婚生仔，他說：「組織家庭係需要，但唔係為結婚而結婚，𠵱家未遇到，預到啱就會結，擇偶條件要單身女性，同我夾，有智慧、聰明，以前會注重美貌，但人成熟咗，邊個80歲仲會靚？」
採訪：卓寶花 攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！