【大浪灣】《超級巨聲》出身嘅孖生兄弟周志文同周志康早排趁住天氣好，相約咗3位朋友齊齊去到大浪灣戲水，一行5人到達目的地二話不說脫清光落水。可以話係張家輝惹的禍，原本幾位男士望落身形都唔算差，不過珠玉在前，張家輝嗰排朱古力肌仍歷歷在目，自然覺得佢哋身材麻麻。一班後生仔除咗玩沙灘排球仲不停chok樣自拍，玩到攰孖仔就上水曬太陽，但就電話唔離手不停上網，兩兄弟都一樣，果然係孖仔孖心肝。
採訪、攝影：楊浩賢、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！