黃紫盈的淚眼贏盡民心，成為眾矢之的的張文采則獲男友羅鈞滿代為反擊，在劇集《天與地》中扮少年鼓神的羅昨凌晨在微博發功：「她只是默默耕耘做好本份等待機會的人，她沒有想過耍任何手段博上位，沒有想過一步登天。她只是一位簡單的儍大姐。她被欺凌，路過刻意被撞、被罵，都沒展露過半點。」他又似有影射地道：「如果她是一位出賣同事爆大鑊博上位不果，再施淚功以圖成名毀同事前途的女子，怎會跟上一位連真實名字也說不出的三線藝人。淚，該向肚裡流。」
為女友抱屈的羅鈞滿昨接受本報電話訪問，提到女友心情，他說：「冇吖，我覺得睇嘢要全面啲，佢唔係呢啲人，亦唔係要order人做嘢嘅人，佢係含冤嗰個，有好多人戥佢唔抵，一直俾人欺壓嗰個係佢，佢只係想做一個好好新聞從業員。」對於女友被高層照肺，他說：「我冇問，佢話今日都正常返工。」至於黃紫盈在鏡頭前灑淚，他說：「唔知喎！」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！