【中環】現年51歲嘅杜德偉（Alex）上年娶咗位嫩妻Ice，兩公婆不知幾恩愛經常出雙入對，不過早前夜晚7點幾杜德偉就撇低老婆自己一個人去咗中環行街。雖然人到中年，但Alex唔止身形保持得好弗兼打扮入時，佢行路嘅步伐都非常急速，佢行咗去雪廠街嘅I.T店睇衫，睇咗20分鐘都搵唔啱心水，之後轉咗去附近嘅名店Joyce再睇，唔使好耐已經買咗兩大袋衫走，再急步入返長江中心攞車，唔知係咪趕返屋企慰妻呢？
採訪、攝影：梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！