焦媛同尹子維噚日喺上環綵排舞台劇《誘心人》，佢哋即場預演咀嘴戲，錫足10秒，一錫完，焦媛仲拉高條裙，原來係佢件晚裝未改好太鬆。焦媛話：「今次錫10秒係跟劇本做，初初掛住記夠唔夠時間都有顧忌。」尹子維就話唔會尷尬，同焦媛合作好舒服，又話戲中角色較小朋友，現實中嘅佢已好成熟：「我都老老哋啦！但結婚未諗，𠵱家單身，隨緣。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！