今年初考獲電單車牌的方力申，上月豪擲23萬買夢幻玩具「三輪霸王」Can-Am Spyder，加入方中信、黃長興與吳家樂等的霸王車主行列。
小方昨接受電話訪問說：「年頭考到車牌，買咗呢架三個轆電單車，原價23萬，雷頌德幫我重新設計顏色，架車本身係綠色，𠵱家變灰色襟睇啲，但未知噴色要幾錢。」他笑言愛型愛靚，平時最愛幫電單車扮靚。
問會否載女友鄧麗欣（Stephy）遊車河？他說：「唔得，我係P牌，唔可以載人，有車速限制唔可以超過70公里，就算以後攞到正式車牌都唔會載人，顧自己已經唔易，仲要顧多個人，我唔想負呢啲責任，載住影吓相就會。」有否被Stephy罵揸電單車危險？小方說：「冇，梗係冇，最唔贊成係屋企人，媽咪鬧咗一晚：『衰仔嘥晒啲錢。』其實我哋多數一班人揸，純粹遊車河，又唔係揸快車。」
採訪：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！