喺洲際盃決賽被巴西大炒3:0嘅西班牙，周一搭飛機返到首都馬德里。唔知係輸波心情未平伏，定係坐10粒鐘機坐到呆，個個狂牛國腳落機嗰陣都木晒，就算有工作人員搵佢哋合照，都係強顏歡笑。另外巴塞隆拿宣佈，左閘佐迪艾巴會喺周五做扁桃腺手術；皇家馬德里就話卡斯拿斯等國腳有3個星期暑假，畀佢哋7月22號先歸隊復操。