中遠集團董事長魏家福嘅退休傳聞噚日終於成為事實，由集團總經理馬澤華接任。雖然魏家福要等到集團旗下中遠控股（1919）召開股東會，先至退任上市公司董事長職務，但市場已經期望馬澤華開始做嘢，扭轉中遠控股連續兩年，每年蝕近百億元人民幣嘅局面，否則有機會喺A股除牌。
人稱「船長」嘅魏家福今年已經63歲，都係時候退休，只係中遠控股連續兩年虧損，搞到佢唔能夠光榮引退，加上市場傳聞佢同「首席梁粉」張震遠好熟，中遠集團早年先至會入股商交所一成，佢仲做埋商交所董事（唔知退咗未），家陣商交所出事，對佢多少有啲影響。