皇家馬德里中場卡卡冇份代表巴西踢洲際盃，咁得閒就去中國訪問；周一晚佢出席姚明嘅慈善籃球賽，周二早上就馬不停蹄，去到北京鳥巢出面、着起中國古裝踢吓波；雖然中國懷舊風都興咗好耐，不過卡卡呢件古裝，藍色底襯橙花，已經撞晒色，卡卡入面仲着住西裝西褲皮鞋，認真九唔搭八。卡卡𠵱家喺皇馬嘅地位唔穩，有傳皇馬計劃收番1,500萬歐元（約1.5億港元），就將佢賣去巴甲聖保羅，睇嚟卡卡完成中國之旅，就要諗吓轉會嘅事喇。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange