夏天轉會巿場正式重開後，熱刺翼鋒加里夫巴利嘅轉會傳聞，相信會傳得更加熱，而且呢名威爾斯國腳仲火上加油，喺佢型爆嘅《君子雜誌》訪問中，大談歐聯對佢嘅重要性：「歐聯係特別嘅，喺英超遇上弱隊時，佢哋會死守，但歐聯隊隊都係強隊，所以大家都踢進攻足球；而且每次聽到歐聯主題音樂，我哋作為球員都好興奮。」熱刺喺新球季冇得踢歐聯，佢哋管理層聽到呢啲說話唔驚就假！