南華同傑志呢對死敵，噚日前後腳展開新球季；前者有足主羅傑承主持開操，呢支2,000萬班費嘅少林寺，新季除有陳偉豪留隊，亦羅致澳洲中堅柏夫洛域及晨曦中鋒巴利，另外仲有幾位前橫濱FC小將加盟。新帥張寶春仲搵咗之前喺泰超搵食嘅巴西體能教練保羅幫手谷班球員，當中最需要谷嘅係體重超過200磅嘅巴西中場利馬（上圖），呢位外援上年做完膝部手術後變大肥仔，唔收身點得。傑志就話逐步放棄「老細足球」，球隊運作以後由主教練、總經理及市場策劃總監孭飛。
人腳方面，傑志簽入艾力士（圖中）、安基斯（圖左）、杜瀚滔（圖右）及徐德帥，而盧比度就回歸做助教。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange