打工仔戰線越拉越長，前幾日在美食廣場「速戰速決」，驟眼睇套餐價錢冇變，點知埋單「加一」，冇服務點解要收服務費？政府在群眾聲討擴建將軍澳堆填區下，再次跪低；快餐店加價這關乎成千上萬打工仔福祉的問題，難解決過擴建堆填區？
兩間「大」字頭快餐店上周放榜，全年業績均有雙位數增長，人均消費勢均力敵，是青姐碟「最低工資飯」價。有「人類極限」翻枱率的「港人茶仔」翠華（1314），人均消費77蚊，以首季入息中位數萬二蚊計，每日食一餐都佔收入近兩成，港人又點高攀呢？還是留給強國人罷。
在商言商，企業追求利潤天經地義，租金唔跌加價勢在必行，問題是大家只肯畀30蚊食快餐，Samantha認為該品牌已到極限，唯一出路是另拓新品牌，可以學美心旗下Simplylife咁，第一，唔好似意粉屋各區都有一間；二是提高到大家肯排隊、專誠嚟食的動力；三，唔好俾人知你係一間「美心」！
Samantha
本欄逢周三、五刊出