劉家良師傅上月去世，遺孀翁靜晶一直花盡心思搞好佢個喪禮，翁靜晶噚日喺facebook透露話已揀好師傅嘅遺照（左圖），正同邵氏公司傾緊版權問題。
另外，佢又同詠藜園老闆楊太傾好咗師傅嘅解穢酒，解穢酒以素菜待客，可以免殺生又有助環保，上次詠藜園搞皇朝宴，劉師傅因病嚟唔到，翁靜晶話今次總算圓師傅心願。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！