一個月前，人們還討論巴西世界排名創新低，森巴軍團沒落；但在周日的洲際盃決賽，巴西以3:0技術性擊敗世界第1的西班牙，勇奪冠軍，劍指明年世盃，誓要復興足球王國的輝煌！巴西新星尼馬亦以出色的表現，得到洲際盃金球獎。
在主場球迷支持下，巴西全場逼搶，打亂西班牙陣腳。2分鐘，巴西右路傳中，碧基及艾比路亞未能解圍，費特臥射為巴西先開紀錄。西班牙全場雖然控球較多，但以布斯基斯及沙維為首的中場完全受制於巴西，除恩尼斯達較搶鏡外，其餘球員表現乏善足陳。
3:0炒狂牛 費特起孖
完半場前是比賽的轉捩點，柏度洛迪古斯單刀埋門，被大衛雷斯護空門，狂牛軍團未能扳平；之後尼馬向西班牙的弱點艾比路亞狂攻，在後者包抄前左腳勁射破網，將比數拉開至2:0。換邊後，費特再下一城，巴西遙遙領先3:0。西班牙其實尚有一線生機，在54分鐘博到12碼，但他們竟派中堅沙治奧拉莫斯操刀，結果宴客。另一位中堅碧基更於68分鐘侵犯單刀的尼馬，被罰紅牌。西班牙敗局已成；巴西維持3:0完場，歷史性第4次、也是連續3次捧走洲際盃。
巴西今屆5戰全勝，入14球失3球，而且整體表現越踢越好，到決賽更踢出近年代表作，在體能、戰術及鬥志都完全壓倒西班牙；冠軍實至名歸。賽後第4度被選為賽事最佳球員、並奪得金球獎的尼馬說：「全隊都踢得非常出色，效果比期望中好得多。」
巴西教練史高拉利十分滿意球隊的進步，展望來年世盃，「贏波就已經很高興，贏到3:0則是意料之外。不止是比數，縱觀我們今場的踢法及表現，都非常好。我們的隊伍正在重建，面對很多困難，這場勝仗大大增強了我們的信心。我現在會憧憬，未來會是一片光明，我們會有一支強大的隊伍出戰世盃。」
下年世盃要破咒
不過，球壇一直有個洲際盃魔咒，應屆洲際盃冠軍，都無法在翌年世盃取得好成績，不知巴西來年能否藉主場之利破咒？文：咖喱
網民評論： 「講波佬又被插？桂神最慘？」
Ilikehbcc：「桂神今屆表現震驚全港，可以話講得差，冇表現同埋十分曳！」
將軍抽兵！：「咁又係，唔係個個頂得順佢嘅聲線，我都覺得佢唔掂唔多鍾意佢，不過睇波啫。」
k勒基：「TVB講波佬已晒冷？係得咁多件？」
papajay_special：「鍾仔不過不失，係有時太緊張。」
mm2li：「鍾仔話晒講咗咁多年，係有啲經驗嘅！潘文迪進步緊。」
「尼馬係新球王？」
simplelovesong：「佢表現係出色，但唔使咁誇嘅！」
thhui：「尼馬射術不錯的！」
高麗釣：「佢係有潛質，好好發展會變新球王，但唔係𠵱家，咁快捧佢上天只會令佢跌得快，成為第二個阿祖安奴或者羅賓奴。」
我踢得唔開心：「尼馬喜歡偏左，美斯喜歡偏右，真係好期待下季佢哋嘅表現！」
資料來源：香港討論區
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange