噚日本地大事當然係香港人喺風雨下堅持上街，股評人界似乎就冇乜呢份熱情。
資深股評人陳永陸（陸叔）、沈振盈（沈大師）、AMTD證券業務部總經理鄧聲興（Kenny）齊齊話冇呢個習慣。
陸叔7.1外遊
陸叔上星期六晚已經坐上飛機，飛去美國探喺當地工作嘅乖女，佢話自己從來冇遊行，而且唔知點解，過去咁多年7.1，咁啱佢都會飛去外地玩。Kenny就話，一直都唔去遊行，噚日冇上街，但有行街。
另一位股評人胡孟青就稿債兼家務纏身，無暇上街。
沈大師亦係從來冇上街，佢解釋，自己屬於政治冷感嘅一群，加上近年見到幾次遊行變成衝擊事件，認為遊行呢種表達不滿嘅方式變咗質喎。