無綫雖然同四大唱片破冰，可惜都係請唔郁班有份量歌手如陳奕迅、鄭秀文等返去。前晚《明愛暖萬心》喺將軍澳電視城錄影，官恩娜（Ella）、關菊英、陳明恩同張繼聰等擔大旗獻唱，Ella好驚青話：「我係細旗咋，菊姐同肥媽先係大旗。」Ella第一次唱小調子喉，佢話緊張到要喺阿媽面前練習，但都被柴台，佢話：「阿媽話我冇感情，希望大家唔好噓我，我都係用一顆熱血心去做善事。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！