【上環文咸東街】靚太邱淑貞（豆斗）前晚一家五口約了好友吳君如敍舊，一行約十人在上環文咸東街的米芝蓮一星級食府「桃花源」飯敍，他們坐於食肆的二樓近窗口位置，君如更帶埋囡囡陳是知到場。君如與豆斗兩位星級媽咪整晚雞啄唔斷，傾到手舞足蹈，未知是否交換湊女心得。其間，豆斗孻女沈星離座向媽咪撒嬌，豆斗陪她玩了一會兒後，即叫傭人抱走她，繼續跟君如密密傾，整餐飯食得十分開心。
他們於晚上約11時離去，由於發現門外有記者等候，豆斗即叫囡囡先返回店內，十分低調。直至司機駕車到達後，沈嘉偉即搭着二女沈日膊頭步出，豆斗則抱着孻女沈星上車，大女沈月緊隨媽咪身後。至於君如女兒是知則由傭人拖着，君如跟豆斗拜拜後各自上車離去。
採訪、攝影：梁繼光、徐錦池、楊浩賢
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！